भारतीय जनता माथाडी जनरल कामगार संघ (रजि) ही संघटना स्थापन करण्यामागे मुख्य हेतू म्हणजे माथाडी व अन्य कामगारांच्या हक्कांचे संरक्षण करणे व त्यांना न्याय मिळवून देणे हा आहे.
सन २०१५ पासून संघटनेच्या माध्यमातून विविध जिल्ह्यांतील कामगारांच्या समस्या समजून घेऊन त्यांचे प्रतिनिधित्व प्रभावीपणे करण्यात आले आहे. कामगारांच्या वेतन, सुरक्षितता, आरोग्य व शिक्षण या मूलभूत गरजांकडे लक्ष देत त्यांना शासनदरबारी न्याय मिळवून देण्यासाठी संघटना कटिबद्ध आहे. मुंबई, नवी मुंबई, रायगड, ठाणे, पालघर, पुणे, सातारा व इतर अनेक जिल्ह्यांमध्ये संघटनेने मजबूत उपस्थिती निर्माण केली आहे. या कालावधीत सुमारे २०,००० ते २५,००० सभासदांनी संघटनेत सक्रिय सहभाग नोंदवला आहे. संघटनेच्या कार्याच्या पारदर्शकतेमुळे व विश्वासार्हतेमुळे कामगारांनी संघटनेकडे विश्वासाने पाहिलं.

सन २०१५ मध्ये ठाणे येथे झालेला भव्य कामगार मेळावा हा संघटनेच्या एकत्रिकरण क्षमतेचे उत्तम उदाहरण आहे. कामगार क्षेत्रातील अन्य संघटनांची मक्तेदारी मोडून संघटनेने स्वतंत्र व ठोस स्थान निर्माण केले. संघटनेच्या यशस्वी वाटचालीसाठी अनेक मान्यवरांचे मार्गदर्शन व सहकार्य लाभले आहे. महाराष्ट्र राज्य सरकारमधील मंत्री, खासदार व आमदार तसेच भाजपाच्या वरिष्ठ नेत्यांचे मूल्यवान मार्गदर्शन संघटनेला मिळाले आहे. संघटना भविष्यातही कामगारांच्या कल्याणासाठी विविध उपक्रम राबवणार असून, प्रत्येक सभासदाच्या विकासासाठी प्रयत्नशील राहील. शिक्षण, आरोग्य, निवासी सुविधा व न्याय हक्क यावर लक्ष केंद्रित करून सर्वसमावेशक आणि सक्षम माथाडी समाज घडवणे हेच या संघटनेचे ध्येय आहे.